影片
更多
2017-04-20
3214 瀏覽
黎左呢度飲茶咁多次第一次黎食晚飯，因為有家庭聚會，加上有悅來張會員咭有張7折coupon 所以就黎左呢度食晚飯。但因為我冇睇過份餐牌所以唔知d餸名同價錢，不過真係好好味。我地係叫一席12位用嘅8道菜。第一道係：炸帶子，好特別嘅一道菜，平時食開嘅係蒸嘅，佢將粒帶子分成2部分：帶子肉同橙色嘅部位。佢炸出黎好香脆，但又唔會話好厚粉，上面有照燒汁，帶子底有炒過嘅洋蔥，仲有條帶子裙邊。海皇翅：入面有蝦同蟹肉，份量都幾多，但唔知係咪因爲上一道菜嘅照燒汁比較濃味，食到呢碗翅時就好似好淡咁。翅嘅份量都算多。杏仁片炸蝦球：熱辣辣上檯，面頭嘅杏仁片夠乾身，中間蝦球夠彈牙，又唔會話太咸。佢又唔會炸到令人食到成咀油，再配上沙律醬就一流。螺片鴨掌炆冬菇：螺片唔會話硬到咬唔開，係真嘅螺片唔係一罐罐嘅，鴨掌夠淋，冬菇夠入味，下面仲有生菜。蒸魚：都幾大條，生熟程度剛好，夠滑身，一流。茶葉燻雞：全晚我最鍾意呢道菜，佢用茶葉煮雞，每一片茶葉都有糖包住，令到碟雞帶有少少甜味，雞嘅肉夠滑，令我食完再食。蒜香蝦球荷葉蒸飯：好香嘅蒜味，蝦球爽脆，明明都已經食到尾聲開始飽，但令人停唔到口想再食多碗。芒果糯米慈：夠凍，入面芒果夠大粒
炸帶子
49 瀏覽
0 讚好
0 留言
海皇翅
40 瀏覽
0 讚好
0 留言
杏仁片蝦球
44 瀏覽
0 讚好
0 留言
磥片鴨掌炆冬菇
58 瀏覽
0 讚好
0 留言
蒸魚
61 瀏覽
0 讚好
0 留言
茶葉燻雞
44 瀏覽
0 讚好
0 留言
蒜香荷葉蝦球蒸飯
30 瀏覽
0 讚好
0 留言
芒果糯米慈
29 瀏覽
0 讚好
0 留言
唔知係咪晚飯價錢較貴，冇咩人黎食，我地好似包左場咁，服務一流。
張貼
