高流灣海鮮火鍋

營業中

休息中

一直聽聞高流灣海鮮火鍋店食物高質，但價錢唔平，所以一直未試過。今晚公司同事請食飯，好開心食到一次高質火鍋，好味推薦。湯底選擇海鮮鍋 (超多海鮮，有蝦、蟹、蠔、九肚魚)。湯底好甜，湯都飲咗幾碗😆象拔蚌刺身，新鮮好味，灼5下左右最正，超甜限量頂級本地新鮮牛肉x2 + 頂級金錢牛展 。同事係熟客，所以預先預留靚牛2碟。頂級牛肉真係好有肉味，而且一碟有唔同嘅部位，贊👍🏼牛展厚度適中，有咬口，都好味。珊瑚蚌（圖上）桂花蚌（圖下），2樣都爽爽脆脆，同海鮮鍋超夾，好味。嘩鬼蝦條（圖上）水上飄飄（圖下）。嘩鬼蝦條係蝦膠壤油炸鬼，再加蟹子。將蟹子嗰面向下淥1分鐘就食得，好鬼好味，好食到叫多1碟😋水上飄飄係墨魚膠壤魚肚，食材矝貴啲，所以價錢都貴1倍😆放湯淥5分鐘就食得，墨魚膠填滿魚肚，好彈牙好味。但性價比嚟講，我會推薦嘩鬼蝦條。仲點咗以下食物(手打墨魚丸、牛筋丸、水餃、冰豆腐、豆苗、茼蒿、響鈴、炸魚皮、出前一丁同烏冬）。水餃超好味，我食咗2粒，大推。其他就正常火鍋料。唔推薦點炸魚皮，太碎濕濕。最後，7個人埋單食咗$4xxx。係貴但超飽超滿足。多謝同事款待。