奏海鮮火鍋 (已結業)

每次有朋友生日都要念去邊到食飯慶祝，今次會擇呢間火鍋店係因為有朋友食過推薦，而且地點好多便。我地比book枱時間早左半個鐘到，店只都好好，因為有房多，所以安排左一個房比我地。我地先點左個奏上品海鮮鍋，海鮮鍋平日都有食過，但今次係有驚喜咖，湯料除左超多，整隻蟹，海參，蜆，重超有鮮味，啖啖肉，配菜都有粟米，蘿蔔，菇，料足到可以叫少好多火鍋料，鮮甜味十足味道又濃厚，重要好抵食！我地叫左好多野食，因為好多野都想食，但有幾款一定要分享比大家。本地手切牛，真係不得不提，我地問過呢種牛係抓邊位，最重要係牛味超重，入口軟滑細膩，再配上濃厚海鮮湯味，無得頂！手打鮮蝦丸，極力推薦！超有水準自製丸子，爽口彈牙，鮮蝦味十足，真係食到停唔到口。自家即製響鈴卷，好特別，入口好鬆脆，另外再加上醬料有d似泰式醬，食落好開胃，做前菜一流！