漁小館 (已結業)

夜晚特登黎到大角咀食漁小館 其實之前已經黎過幾次 食物質素都好高 好鐘意飲佢地既杏汁豬肺湯 好香濃好好飲 有住家味道 但今次只係同男朋友2個人黎 4至6人份既住家湯就飲唔曬所以冇叫到。今次叫左脆皮豬手 佢個皮好脆好鬆化 豬手都好嫩唔會話炸到太乾。另外仲有芥末沙汁蝦球 蝦球好爽脆 味道同口感都好特別。最後叫左 蜑家籠仔蒸飯 呢個係每次黎都必叫之作，蒸飯吸曬海鮮既鮮味好香甜，海鮮亦算新鮮 龍躉好滑 蝦亦都好爽口 算係性價比高既選擇。