掌壽司 (已結業)

這間位於觀塘一間掌壽司之前和朋友食過覺得不錯，今日就帶媽咪食餐豐富日本餐，喜歡這裏價錢合理又可以食到高質素的食材！我們二人點了一個二人套餐，有沙律，刺身，壽司，燒物及鍋物😋時令沙律🥗沙律賣相不錯，裏面有人蔘果，木魚和芝麻配合芒果醬，人蔘果都是第一次食的，味道清甜，配合芒果醬一齊食，味道好夾，加上配料有木魚口感更加豐富。刺身盛師傅會按照當日新鮮食材而決定刺身的款式，刺身上枱時已經見到色澤好新鮮，食物份量都不少，特別鍾意食日本廣島蠔，蠔味香濃而且食落啖啖肉，仲有鮟康魚肝，是當造季節食物，入口即溶好幼滑😋壽司盛有秋刀、油甘、碎蔥吞拿魚、太卷壽司，秋刀魚入口很有魚油香味，油甘魚爽口鮮甜，其餘壽司都好好味！燒物燒黃花魚，魚燒至金黃色，好香脆爽口，不用任何醬汁，已經好好味！壽喜燒鍋物用了澳洲產M9和牛 100g，牛肉味香濃，煮熟後放入已經攪勻左的生雞蛋一齊食，牛肉即時變得更嫩滑！日式松茸海參花膠燉湯材料非常豐富，有海參，花膠，松茸和螺肉，採用日本煮法，所以飲落好清甜，材料十足，每一啖都會食到湯料，好滋潤！最後當然留返個肚食甜品，果仁雪糕，這一餐非常滿足😋