榆越 (已結業)

今日去到天水圍的越南餐廳「榆越」食飯，係餐牌上見到食物都頗多選擇，我同朋友叫咗雙人下午茶餐另加一碗牛肉湯檬粉及米紙卷，唔洗200蚊埋單兩個人都已經食到好飽。雙人下午茶餐 - 我們叫咗招牌燒牛肉法包、牛油雞翼、蝦餅再加兩杯凍飲。法包外脆內軟燒牛肉餡料配合醬汁非常可口惹味，根據店員介紹，佢地既法包係自家製，並非其他地方黎，所以特別新鮮。雞翼及蝦餅也十分香脆可口，飲品方面選擇頗多，凍飲也可以，不用像其他店要加錢。牛魔王湯檬 - 同樣是店主特別推介，店主表示牛肉湯是煲咗一整日而成的，生牛肉也會用指定安格斯牛肉，我們也覺得牛肉湯十分鮮甜，牛肉牛丸等也非常新鮮好味，另外牛筋也煮得夠哂腍，而且配料也十分多，令人回味無窮。大蝦腩肉米紙卷 - 朋友未試過米紙卷，所以叫來試一下，較其他越南餐廳的大件很多，而且裏面的大蝦和腩肉也十分新鮮，有一種非常清新的感覺。