悠蔬食 (渣甸中心) (已結業)

個人好鐘意食蔬菜，亦好注重個人健康。平時間中都會食齋，清理一下腸胃，呢間「悠蔬食」位於銅鑼灣繁茂地帶，地鐵一出行數分鐘就到。佈置裝修，以白藍色為主，日頭有陽光照射少少，環境非常舒適，簡潔明亮。叫左個午市套餐先黎沙律，湯和飲品。一試沙律我已知道呢間餐廳會有驚喜，蔬菜好新鮮，好爽口。少少酸酸甜甜，令人打開了個胃。個湯係西洋菜南北杏羅漢果湯。個湯勁足料，其實仲有粟米、眉豆等湯材，好甜，好健康。芋頭栗子雜菌燘豆腐卷煲配珍珠糙米飯顧名思義，由多種菌類和芋頭煮成，有汁，餸飯一流。糙米飯有粒粒口感，頭幾啖最有感覺，因為有黑芝麻係上面，咬落去有少少脆脆的，好特別。見啲嘢食都幾好食，我決定食埋佢嘅甜品，加$20耶香紫薯千層班戟淡淡的紫薯香味，食落口中，覺得自己食緊紫薯但係唔係紫薯係班戟😂證明廚師落足料。👍🏼👍🏼👍🏼順帶一提，唔會好甜，適合少甜主義者。