EL CID西班牙餐廳 (已結業)

《尖沙咀諾士佛台休閒西班牙菜》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧放工嘅時候想同朋友飲番杯，就去左尖沙咀諾士佛台搵左間西班牙餐廳坐低。餐廳門口掛咗好多西班牙國旗，所以好搶眼又易認。焗香草田螺牛骨髓炭燒嘅牛骨髓上面鋪滿香草醬同埋焗田螺，遠遠地已經聞到好香。田螺吸引哂香草醬嘅味道，軟身又濃郁。牛骨髓燒到好似啫喱狀咁，啖啖嘅脂香味又唔膩。西班牙大蝦海鮮焗飯用左傳統大鐵鑊嚟煮，有4隻嘅海蝦、青口、魷魚。4隻香烤嘅海蝦，蝦身都好大隻，鮮甜又彈牙。魷魚有嚼勁，青口又鮮甜。橙黃色嘅米粒，軟硬適中，吸收哂海鮮嘅鮮味，好推介。Sangria 食得西班牙菜又點得西班牙水果酒，紅酒底加入左蘋果同埋橙，同一班朋友一齊飲就啱哂。Passionfruit cooler帶微微嘅熱情果酸味，消暑又清新。