Pan da Cafe

營業中

休息中

放假去西貢玩水，玩完喺市中心食完嘢先返屋企。見到呢間cafe嘅裝修好靚，懷舊風嘅擺設同設計勾起唔少童年回憶，一於就入去試吓。佢哋嘅食物選擇都好多。我哋叫咗一份美國和牛冧扒。肉質好嫩滑，充滿肉汁。大大塊好夠飽，仲有送埋意粉。蜜燒豬髀骨質素都唔錯。肉質好易咬，而且豬肉索晒啲香甜嘅醬汁，餸飯就最啱。甜品方面，我哋叫咗一份蘋果酥卷同埋一份檸檬撻。蘋果酥卷焗得好香脆，裏面嘅蘋果餡酸酸甜甜，仲有好香嘅玉桂味。檸檬撻唔會好甜膩，有陣陣檸檬嘅清香，大人細路都啱食。