悠蔬食 (渣甸中心) (已結業)

今次呢間素食餐廳水準好，環境舒適，雖然位於大廈高樓層，相當隱蔽，但係都好多人黎幫襯。我地無叫到dinner set，主要係想試吓佢啲招牌菜。我地兩個人叫咗兩個前菜同一個主食share，埋單都係同叫dinner set差不多價錢。先講黑松露薯蓉焗大啡茹(158)個招牌菜，餐廳毫不客氣，大啡茹個size同手掌心差不多大，加咗薯蓉的大啡菇食落味道更rich，再配搭黑松露醬，味道出乎意外的夾。將大啡茹切開，蘑菇汁係芝士同蘑菇之間滲出黎，芝士薯蓉同松露的味道相輔相成，沾上碟底的茄汁更能將味道調出，令味道吃落更有層次。另外，我地仲叫咗個蜜汁脆膳($98)，廚師將香菇切成的條狀，再炸成脆膳，炸過的香菇食起食落口感鬆脆，脆膳帶著略油濕的微脆。醬料味道酸甜，脆膳夾雜著蜜汁同芝麻的香味，咀嚼爽甜，耐人尋味。黎完兩味小食前菜，主食焗千層麵($148)終於登場，素食的材料包括新鮮的牛油果，配搭濃汁的千層麵，不像一般的肉類配菜油膩，食落冇咁頂，好似有層油係個胃度。最鐘意呢間餐廳嘅係，食每碟美味的料理，都不用怕肥，放心將食物放進口🤤