陶源酒家 (已結業)

同剛從加拿大回來的舊同學出黎飲茶，梗系揀間靚環境又要乾淨嘅茶樓啦，比個好印象佢嘛，黎左isquare嘅陶源酒家，地點易搵又方便，一出地鐵就係，連遮都唔使開。點了香片茶，但不知為何茶壺上標籤普洱，但喝起來確實是香片，茶味香濃。鐵茶壺原來也很保溫，壺蠻大但很輕考，有點意外。餐具很新淨，沒半點破損  由於外國回來的朋友中文一般，都點了有圖在旁的點心，看起黎好吸引，有圖也方便易懂。環境很濶感覺良好，窗外景觀亦很正。只可惜當日天氣認真麻麻，時晴時雨，不能好好欣賞維港景色。健康藜麥野菌素餃先上了呢個餃，雖然全素但一啲都唔寡，調味很好不油膩，咬落去皮煙韌不黏口，啖啖蔬菜顏色豐富又健康。烏賊特級牛柳腸粉黑黑的起初朋友有點怕，但食完第一件後就讚不絕口，腸粉皮有韌度不會一夾就散，入面包住牛柳粒同蔬菜粒，口感滿分味道鮮甜，不用加甜豉油已經超正，加左豉油仲會蓋過本身嘅鮮味添。安格斯牛柳天鵝酥外觀已經贏得朋友歡心，天鵝造型可愛，好多功夫又精緻，不止外表，內裏的餡料都好正的，牛柳粒滿滿肉汁，與酥皮同吃一乾一濕口感很好。松露鵝肝醬煎包一口咬下很juicy，淡淡黑胡椒椰菜同鵝肝味，好balance，包亦煎得香脆，正。