影片
更多
2023-07-22
159 瀏覽
今次已經係我第二次嚟呢間Cafe，琴日同朋友一齊聚會想傾耐啲，就直接揀咗呢間，佢性價比都高， OpenRice訂咗之後可以有正價餐牌七折嘅優惠，變咗食完之後都覺得好抵。先講講佢啲食物：我哋叫咗個黑松露長通粉，黑椒牛肉芝士漢堡，棉花糖雪糕窩夫：先講黑松露意粉，我覺得佢嘅味道就好一般，同埋有少少鹹，我對上一次同朋友食過蜆肉意粉就相對上好食啲，至於漢堡，都係keep住咁好食，而且啲薯條都好正，唔係好似出邊快餐店嗰啲，得個咸字。到最後棉花糖雪糕窩夫，對於鍾意食窩夫嘅我，發現而家香港少咗好多Cafe有得食窩夫，所以每次見到就一定會叫埋，佢哋啲服務都幾好，因為我哋唔想要cream，就刻意同佢講要走cream，佢哋都會記得，上嘅時候就冇比cream俾我哋，而且佢配埋雪糕，當飯後甜品一流。至於服務態度方面，我簡直要大讚，我同朋友兩個人食，一開頭張枱好細，叫埋飲品之後根本上冇位擺食物，於是我哋就叫店員幫手問吓有冇方案可以俾我哋食得舒服啲，最後店員拎多張枱俾我哋，等我地食得舒服，最值得讚賞嘅係，我兩次嚟呢間Cafe，佢哋啲店員都好有笑容，雖然佢哋人手唔多，但係唔會因為你嘅要求，而板起塊面，呢樣係我覺得佢哋
琴日同朋友一齊聚會想傾耐啲，
就直接揀咗呢間，佢性價比都高，
OpenRice訂咗之後可以有正價餐牌七折嘅優惠，
變咗食完之後都覺得好抵。
先講講佢啲食物：
我哋叫咗個黑松露長通粉，黑椒牛肉芝士漢堡，棉花糖雪糕窩夫：
先講黑松露意粉，我覺得佢嘅味道就好一般，
同埋有少少鹹，我對上一次同朋友食過蜆肉意粉就相對上好食啲，
至於漢堡，都係keep住咁好食，而且啲薯條都好正，唔係好似出邊快餐店嗰啲，得個咸字。
到最後棉花糖雪糕窩夫，對於鍾意食窩夫嘅我，發現而家香港少咗好多Cafe有得食窩夫，所以每次見到就一定會叫埋，佢哋啲服務都幾好，因為我哋唔想要cream，就刻意同佢講要走cream，佢哋都會記得，上嘅時候就冇比cream俾我哋，而且佢配埋雪糕，當飯後甜品一流。
至於服務態度方面，我簡直要大讚，我同朋友兩個人食，一開頭張枱好細，叫埋飲品之後根本上冇位擺食物，
於是我哋就叫店員幫手問吓有冇方案可以俾我哋食得舒服啲，
最後店員拎多張枱俾我哋，等我地食得舒服，
最值得讚賞嘅係，我兩次嚟呢間Cafe，佢哋啲店員都好有笑容，雖然佢哋人手唔多，但係唔會因為你嘅要求，而板起塊面，呢樣係我覺得佢哋值得讚嘅地方。
附上食物照片🤤
張貼
