尚八日式燒肉店 (已結業)

之前係日本食過和牛有啲念念不忘～知道荃灣開咗呢間食A4和牛當然要試下去都7點幾店舖已經入坐了有8成～店員帶到我地入坐～位置好寬躺👍🏻私人度高～唔似一般放題😜同朋友傾計好舒服❣️坐左一陣店員會拎左刺身同A4和牛比我地食先～之後再點食物就要用QR code上網點餐～刺身海膽好新鮮好濃～帆立貝好鮮甜～蝦又甜又爽～三文魚同吞拿魚都好肥美～仲有一舊我唔知咩魚～但都好新鮮😻A4和牛 好貼心比埋牌仔我地睇係邊個位置～見到雪花好靚好分明～仲有鹽比我地做調味品～燒完啲A4和牛真係好香～入口即化～好濃厚既牛汁～根本唔需要點調味品～但咁多個位置我最愛牛三角同牛前肩😋呢兩樣又再追加～愛牛人士一定再食🥰沙律蝦籽好多～青瓜好爽甜～燒完啲粟米仲好甜～唔會乾晒水～番薯同大蘑菇燒完啲香草味仲出～入哂啲味入去～好好食～芝士角切依達赤豚燒完啲芝士好香～青森蘋果壼漬赤豚肉好少會有青森蘋果好特別～味道都唔錯～但有啲肥美～再點刺身～三文魚腩😋仲有蟹棒🦀一口芝士好好食～好濃芝士味～真係想再叫第粒食～日式芝士車海老春卷 咬左一口有拉絲效果～食得多燒肉燒下菠蘿可以清清口～香草牛油廣島蠔同香草牛油帆立貝都唔錯～發現佢地好鐘意加香草做調味～