御和亭日本料理

營業中

休息中

如果要黎御和亭日本料理食dinner，咁book定位就實唔洗等。唔洗問呀貴又係睇左餐牌先啦。咁都唔少野選擇，而最後我地一行四人叫左和風剌身沙律、雜錦魚生太卷、牛肉壽喜燒、黑豚肉稻亭烏冬、牛油果軟殼蟹卷、黑松露鵝肝炒飯同埋汁燒黑牛玉子飯。和風剌身沙律D刺身又多，又大舊，超抵食。而且味道唔差。雜錦魚生太卷一上台，我地望到都O哂咀，因為D魚生真係大大舊傢，好有幸福嘅感覺。牛肉壽喜燒味道都唔錯，而且價錢唔係好貴但有好多餸，都值得叫黎食。黑豚肉稻亭烏冬好大碟。牛油果軟殼蟹卷竟然有8舊，而且係即叫即炸傢。黑松露鵝肝炒飯好香口，雖然鵝肝係呈粒狀，但個味都非常正。汁燒黑牛玉子飯係估唔到咁好食，因為D牛肉煮得剛剛好，真係好好食。