NINETYs (些利街) (已結業)

今日去完中環見客，於是約左朋友去中環食返啲有品味嘅餐廳，呢間野叫NINETY，裝修十分有格調，佢係位於中環些利街，收咗工之後都好多Office girl去嗰度打卡。朋友食開素，所以呢間餐廳真係好啱佢，佢叫咗個南瓜三色椒pasta，呢個賣相真係值得一百分，係心思嘅設計，而且食晒入邊啲料之後仲可以食埋出邊個南瓜，南瓜係焗過添，香口得來又健康。而我就叫咗個肥膩重口味嘅豬腩肉，佢整完個豬腩肉之後仲有一個伴碟既cream可以令個肉再滑d，豬腩肉肥瘦搵混埋一體，十分之正。另一個朋友就揀咗三文魚pasta，最特別嘅係個擺盆上邊有個煎香左嘅墨魚汁塊放上去，當整個墨魚汁撈埋個意粉一齊食嘅時候，真係好特別。餐廳真係可以用色香味俱全來形容。