影片
更多
2020-07-23
316 瀏覽
依家香港食素都係件幾奢侈嘅事因為一啲都吾平，但呢間素食店認真高質又經濟款式又特別值得一試！不過都幾多人排隊所以大家可以穩陣啲bk定枱✨最特別嘅係出面有個自助bar枱俾你任添麻醬青瓜素手撕雞、手拍青瓜、薯仔沙律，撈冬粉、冇味精住家湯，樣樣都有質素好食👍🏻但可能餐廳驚大家食飽咗前菜而唔叫主食所以規定每人都一定要叫一個熱食✨.👓所長三寶飯(叉燒、切雞、鹹蛋) 配薑蓉 $75雞嘅質地真係整得好逼真再加上薑蓉，唔講以為真係食緊雞。叉燒質感係嗰啲酸齋帶淋質地，但佢味道好似叉燒，食到陣炭燒嘅味道同蜜糖味。而鹹蛋就真係鹹蛋😂評分：8/10👓梅菜蒸肉餅配炸蕃薯片 $75素肉餅質感真係似食緊肉，做得相當逼真，調味唔錯有梅菜嘅鹹香味，不過稍為太油。蕃薯片有三舊，大片厚切，夠熱而粉漿薄夠香脆好食！評分： 8/10👓椰香馬來咖喱羊腩配麥香抓餅跟飯 $75 香咖喱味帶微辣，素羊腩真係做得好似腩嘅質地，咖喱入味。抓餅係麥餅夠健康又易入口吾難食，不過似一塊麵團麵餅而唔似抓餅果種酥脆煙韌。評分：7/10👓芝士焗白汁野菜炸魚長通粉 $75白汁面有層芝士好香口。素魚都好多舊，質感係似焗魚柳嘅評分：7/10👓台式滷水拼盤配素
最特別嘅係出面有個自助bar枱俾你任添麻醬青瓜素手撕雞、手拍青瓜、薯仔沙律，撈冬粉、冇味精住家湯，樣樣都有質素好食👍🏻但可能餐廳驚大家食飽咗前菜而唔叫主食所以規定每人都一定要叫一個熱食✨
.
👓所長三寶飯(叉燒、切雞、鹹蛋) 配薑蓉 $75
雞嘅質地真係整得好逼真再加上薑蓉，唔講以為真係食緊雞。叉燒質感係嗰啲酸齋帶淋質地，但佢味道好似叉燒，食到陣炭燒嘅味道同蜜糖味。而鹹蛋就真係鹹蛋😂
評分：8/10
👓梅菜蒸肉餅配炸蕃薯片 $75素肉餅質感真係似食緊肉，做得相當逼真，調味唔錯有梅菜嘅鹹香味，不過稍為太油。蕃薯片有三舊，大片厚切，夠熱而粉漿薄夠香脆好食！
評分： 8/10
👓椰香馬來咖喱羊腩配麥香抓餅跟飯 $75 香咖喱味帶微辣，素羊腩真係做得好似腩嘅質地，咖喱入味。抓餅係麥餅夠健康又易入口吾難食，不過似一塊麵團麵餅而唔似抓餅果種酥脆煙韌。
評分：7/10
👓芝士焗白汁野菜炸魚長通粉 $75白汁面有層芝士好香口。素魚都好多舊，質感係似焗魚柳嘅
評分：7/10
👓台式滷水拼盤配素肉燥上海麵 $75麵質淋左少少，汁又少咗啲，個麵麻麻可能揀飯會好啲，但個滷汁味道吾錯，滷水拼盤有蛋、蘿蔔、豆腐、素腸，滷汁入味係好食嘅，美中不足係蘿蔔有渣😂肉燥質感味道都迫真。
評分：7/10
👓蘋果茶 熱 $10
似熱嘅蘋果汁不過都幾得意
評分：7/10
張貼
