mr.kanso (已結業)

今日同男朋友出嚟happy friday輕鬆一下，我哋就嚟睬你跟朋友介紹嘅有氣氛而且幾有特色嘅酒吧餐廳，呢間酒吧餐廳係喺耀華街，依條街夜晚都特別有氣氛！呢間餐廳入到去都非常之好氣氛同埋好多人，我哋今次除咗叫嘢食之外仲試咗佢哋一杯酒。今次我哋一個小菜就叫咗海帶味的醃蘿蔔，呢個小菜嘅份量適中，佢嘅味道非常之特別，鍾意食海帶嘅朋友都可以試吓，而且佢嘅口感亦都非常爽脆👍🏻👍🏻之後我哋仲叫咗一個蘑菇漢堡扒薯蓉，平時自己都好鍾意食薯蓉，佢整嘅薯蓉非常之creamy，同埋好香牛油味，再加埋蘑菇同埋漢堡扒一齊食，食得出佢嘅口感非常豐富，和有層次的味道！我哋仲叫咗激辛咖喱牛肉飯和白汁吞拿魚意粉，呢兩個煮食都非常好食，佢哋嘅賣相亦都滿分💯講返如果鍾意食日式咖喱嘅朋友就會好鍾意食呢個咖喱牛肉飯，因為佢嘅咖喱係好濃味嘅😍而且個白汁吞拿魚意粉亦都非常香，不知不覺就會食晒！除咗嘢食我哋仲叫咗杯嘢飲，嗰店員推介我地試下Mr Kanso，因為我哋話想試吓sake整的cocktail，佢呢款酒係有淡淡的荔枝味，因為佢加埋紅莓汁，令到整體嘅感覺非常酸甜清新！