新記雞粥 (鴻禧大廈)

營業中

休息中

中午時間喺旺角，想食粥，上網Google一下，就發現呢間口碑幾好嘅粥店，咁就行過去試吓😁未到12點就去到，原來佢早餐做到中午12點先結束，咁我就叫咗個$52嘅早餐「生滾貴妃雞粥，配炸兩」，加多$2要杯熱奶茶；今日好想食雞，估計雞粥裏邊份量一般唔多，所以再加多碟$68嘅「例牌金牌貴妃雞」，希望嚟個大滿足😆「生滾貴妃雞粥」粥底好綿好滑好好雞味，原來裏面有好多件貴妃雞😁，再加上另外再叫嘅「例牌金牌貴妃雞」，分量超多😆；貴妃雞皮黃肉白（呢個係檢視雞嘅質素嘅其中一個標準），幾好雞味😋「炸兩」內脆外軟，幾好味；熱奶茶幾香幾滑😋呢餐食咗好多雞，真係大滿足😆