韓珍 (帝國中心) (已結業)

都有一段時間冇食過韓國菜，於是尋日特登嚟食嗰間韓珍。我同朋友叫左兩款牛肉同埋一份海鮮煎餅share食。首先店員會送上好多碟免費嘅前菜同埋一份蛋薄餅，前菜包括海帶、香腸、蘿蔔、紅蘿蔔薯仔蛋沙律等等，相當豐富。更特別嘅係蛋薄餅，份量都唔少，用鐵板上，食落更加係充滿蛋香，好食。特級牛肋骨（250g）$250店員會好好咁過黎幫我地燒埋，手勢好專業，好食過自己燒好多。牛肋骨好大份，可以剪開做15-16件。咬落油香十足，啲油脂喺口入面爆發，好正。我覺得唔點醬汁，唔落調味咁食呢個最正，因為啲牛味已經好濃郁。雪花牛肉（150g）$250原來150g都唔少，呢個食落就相對冇特級牛肋骨咁重油香，但牛味都好濃，叫呢兩款牛食，啱曬我地呢兩個咁鍾意食牛肉嘅人，大滿足。海鮮煎蔥餅$150海鮮煎餅好香，口感彈牙，海鮮同蔥嘅份量都唔少，唔會太油，點埋個汁好好食。Blue Lemon Ade $48呢個係朋友叫嘅，佢話幾好飲。Korean Pear Juice $20通常食韓國菜我都成日叫呢個，貪佢唔會太甜又有梨肉。