水鴨朱椰子雞 (已結業)

今日同朋友去聚會 ，講開話想食打邊爐 ，之前就話想試椰子雞，之後喺openrice 到大角咀有間椰子雞唔錯, 我哋今日就專登訂咗三位八點鐘過嚟食 。黎到空間感都好多，坐得到舒服 ，唔會好焗 。但係之後再睇番餐牌，原來佢哋都有辣嘅嘢食，特別有一個叫做酸菜桂花魚 ，侍應都話多人食。因為我哋係辣人嘅關係， 所以都忍唔住話不如就試咗個辣嘅先 。整體這裏質素不錯，嘢食新鮮而且價錢亦都唔貴，我哋三個人每人都係220蚊左右 。大約十分鐘左右， 我哋嘅酸菜水煮魚就到 ，原來佢嘅桂花魚係分開上 ，感覺比較特別，因為平時的水煮魚都係魚放喺 煲入面 ，所以 今日食嘅魚畀之前 更嫩滑， 自己放魚片落去唔會因為煲太耐而變老，十分抵讚！湯底沒想到都幾辣，因為可能有一些 青色椒 關係， 越煲越出味 ，而且仲要唔咸，不錯。其他打邊爐材料不久就到，牛肉十分新鮮好有牛肉，而且好有 口感 。四寶丸十分 彈牙 ，特別我最愛吃的是墨魚丸 ，油麥菜份量都唔少 ，我哋三個人食一盤菜都已經夠。椒鹽九肚魚黎到熱呼呼，皮脆肉質嫩滑，份量多，但要等待時間偏耐。最後叫左椰子凍甜品，味道清甜又彈牙，3個勁飽地離開。