影片
更多
2023-08-28
2768 瀏覽
一早預訂茶園，慶祝紀念日，安排近玻璃窗位，黃昏時仲望到樹景，晚上感覺寧靜，雖然入座爆滿，但客人都有質素，都保持安靜同有規律咁排隊及慢慢進食，感覺優雅。龍蝦湯入口溫暖順滑，味道香濃，帶干邑酒香，而且不太咸，非常好飲。肝醬配薄脆或多士，肝醬非常濃郁，質感細滑，配酒jelly好夾。生蠔係細隻同薄身，但帶海水味，爽脆口感。蟹腳唔算大，肉質絲絲仍有點蟹味。海蝦爽口彈牙，味道幾好。每人有一隻龍蝦，有3種煮法，而且可以半隻一款煮法，所以我地揀左半隻牛油香草， 半隻芝士焗。香草牛油龍蝦，帶牛油香，食出鮮味，龍蝦非常彈牙，肉質扎實。芝士焗龍蝦，雖然無搶味，但膩左少少。細心到連龍蝦鉗都起肉放入龍蝦度，好方便進食。威靈頓牛扒，層次口感豐富，牛扒鮮嫩多汁，燒汁有酒香。香草焗羊架，嫩腍唔羶。鹽焗海鱸魚，肉質好鞋好硬，加左香檳汁都救唔到。ham配哈蜜瓜，每款都好味，沙律有四款，味道一般。鴨腿同羊腿肉都硬同乾，有醬汁都好難食，麻麻地。松露薯蓉超級正，又夠香，口感又幼滑，配牛扒一流。龍脷柳幾滑溜。蟹餅用料十足又美味。焗帶子就膩同太細粒，炸魚薯條都幾好。炸蠔好正，酥脆香口，蠔肉熟得剛好，又嫩又香，連炸衣都有調味，直接食
一早預訂茶園，慶祝紀念日，安排近玻璃窗位，黃昏時仲望到樹景，晚上感覺寧靜，雖然入座爆滿，但客人都有質素，都保持安靜同有規律咁排隊及慢慢進食，感覺優雅。
龍蝦湯
入口溫暖順滑，味道香濃，帶干邑酒香，而且不太咸，非常好飲。
肝醬配薄脆或多士，肝醬非常濃郁，質感細滑，配酒jelly好夾。
生蠔係細隻同薄身，但帶海水味，爽脆口感。蟹腳唔算大，肉質絲絲仍有點蟹味。海蝦爽口彈牙，味道幾好。
每人有一隻龍蝦，有3種煮法，而且可以半隻一款煮法，所以我地揀左半隻牛油香草， 半隻芝士焗。
香草牛油龍蝦，帶牛油香，食出鮮味，龍蝦非常彈牙，肉質扎實。芝士焗龍蝦，雖然無搶味，但膩左少少。細心到連龍蝦鉗都起肉放入龍蝦度，好方便進食。
威靈頓牛扒，層次口感豐富，牛扒鮮嫩多汁，燒汁有酒香。
香草焗羊架，嫩腍唔羶。鹽焗海鱸魚，肉質好鞋好硬，加左香檳汁都救唔到。
ham配哈蜜瓜，每款都好味，沙律有四款，味道一般。
鴨腿同羊腿肉都硬同乾，有醬汁都好難食，麻麻地。
松露薯蓉超級正，又夠香，口感又幼滑，配牛扒一流。龍脷柳幾滑溜。
蟹餅用料十足又美味。焗帶子就膩同太細粒，炸魚薯條都幾好。
炸蠔好正，酥脆香口，蠔肉熟得剛好，又嫩又香，連炸衣都有調味，直接食都好正。
紀念日慶祝，會送件小蛋糕，係紅桑子朱古力慕絲，酸甜紅桑子醬中和甜美朱古力，食落唔膩，餅底係Oreo 餅，好味。我覺得點都要有蠟燭，呢份儀式感更有氣勢。
甜品款少，只有5-6款，反而雪糕有8-9款，味道特別。車厘子酒，清香帶酒香，超正，又可清清味蕾。竹蔗茅根清淡，個味一樣，口感似沙冰咁。芒果糯米飯微微芒果味，唔太重椰奶味。最喜歡咸蛋肉鬆，咸咸甜甜，有點似食緊月餅。
餐飲揀左熱檸檬茶，茶具優雅，精緻美觀，西式茶帶有陣陣茶香。凍檸檬茶更貼心，糖水及新鮮檸檬汁係另上，客人可自調甜酸口味。
張貼
