影片
更多
2018-07-03
802 瀏覽
朋友生日，但係之前成日食放題/火鍋任食都食到好厭，香港有咁多自助餐其實講緊個價錢同放題差唔多，但係真係好正。呢一間餐廳係奧運站附近，其實就係酒店入面嘅，價錢一位其實唔貴＄300有找有交易。帶大家睇吓裏面，有好多個唔同部門，有海鮮、甜品、即叫即整、牛扒、刺身、壽司、湯、粉面飯等等！我哋一坐低就有隻鮑魚係送嘅，味道鮮甜爽口彈牙。當然我哋都試吓啲刺身同壽司，味道都算OK ,普普通通不過不失，當然自助餐我都唔期望刺身，反而係期望熟食。隔黎師傅即燒嘅牛味道就真係唔錯，口感軟熟而且大概六成熟左右質素不錯👍🏻海鮮都算係我哋最期待嘅一環，除咗膏蟹之外，仲有好多松葉蟹，有清新嘅鹹香而且啖啖肉，出水份即係代表佢真係好新鮮。仲可以試吓啲雞肉或者鹹肉，都係小食唔錯嘅推介，唔會話好鹹。Pizza比較香脆，春卷炸得好香口可以點埋甜酸汁；仲有意大利飯真係有少少硬，好正宗。嘢飲款式就少咗啲啦，得普通咖啡奶茶檸茶等等，竟然冇可樂，不過好彩最近Facebook做緊推廣活動讚好Facebook專頁會送果汁。食得多海鮮自然好快飽，甜品仲有麵包布丁同埋藍莓芝士蛋糕，麵包布甸甜甜地真係好開胃好吸引。甜品仲有當然唔少得雪糕，佢個牌
呢一間餐廳係奧運站附近，其實就係酒店入面嘅，價錢一位其實唔貴＄300有找有交易。
帶大家睇吓裏面，有好多個唔同部門，有海鮮、甜品、即叫即整、牛扒、刺身、壽司、湯、粉面飯等等！
我哋一坐低就有隻鮑魚係送嘅，味道鮮甜爽口彈牙。
當然我哋都試吓啲刺身同壽司，味道都算OK ,普普通通不過不失，當然自助餐我都唔期望刺身，反而係期望熟食。
隔黎師傅即燒嘅牛味道就真係唔錯，口感軟熟而且大概六成熟左右質素不錯👍🏻
海鮮都算係我哋最期待嘅一環，除咗膏蟹之外，仲有好多松葉蟹，有清新嘅鹹香而且啖啖肉，出水份即係代表佢真係好新鮮。
仲可以試吓啲雞肉或者鹹肉，都係小食唔錯嘅推介，唔會話好鹹。
Pizza比較香脆，春卷炸得好香口可以點埋甜酸汁；仲有意大利飯真係有少少硬，好正宗。
嘢飲款式就少咗啲啦，得普通咖啡奶茶檸茶等等，竟然冇可樂，不過好彩最近Facebook做緊推廣活動讚好Facebook專頁會送果汁。
食得多海鮮自然好快飽，甜品仲有麵包布丁同埋藍莓芝士蛋糕，麵包布甸甜甜地真係好開胃好吸引。
甜品仲有當然唔少得雪糕，佢個牌子係Movenpick，仲可以任食，真係已經值回票價。
總結一下，呢間餐廳嘅海鮮、即整嘅嘢食同埋甜品、雪糕都係好唔錯嘅。
普通嘅就有刺身，壽司，飲品。
睇吓大家係為乜嘢嚟食啦，如果真係想食高質素嘅熟食同埋甜品，或者海鮮迷就好快應該黎試吓啦。
張貼
