Zappy (已結業)

今日約左位好耐無見的好朋友聚舊，所以就搵左間樓上cafe食下晚飯，傾下計。依度裝修夠格調 ，而且環境好舒服，仲有柔和嘅背景音樂，好適合同朋友坐喺度飲杯野，暢談心事。我地點咗海膽醬牛油果蟹肉意大利麵 ，味道真係好surprise, 絕對係超越過好多fine dining 嘅餐廳。好鮮海膽味，配上啖啖蟹肉同牛油果，真係絕配！白酒忌廉汁煮藍青口，肥美嘅青口新鮮嫩口，酒味好香又唔會太濃蓋過左青口的鮮味，不過略兼忌廉味偏咸左少少。店內樓面雖然都係得老闆娘打理，但都不時睇下洗唔洗加水同收碟，十分友善同有禮。絕對會encore 嘅餐廳！