AGE Cuisine Express (已搬遷) 新店位置

其實工廈有好多特色美食，最近就去左太古附近一間工廈餐廳【AGE Cuisine Express】食dinner。餐廳主打西式多國菜，例如意大利、西班牙菜等。見佢pizza佔左半個menu，應該係推薦所以就叫左。 12“ 北京烤鴨 pizza：見到呢個topping禁特別，當然就試下啦。包括烤鴨肉、mozzarella、大葱、zucchini、番茄乾同洋葱。平時pizza既番茄醬變左甜海鮮醬又真係好特別，而且餅皮係自己手造既薄批，好脆。鴨肉同其他topping都好多，好特別、推薦。 香煎北海道帶子及燒慢煮八爪魚伴車厘茄及香料薯仔：見呢個幾特別，所以就試下。帶子新鮮、八爪魚超級軟霖，最重要個調味非常正，微微辣同好多spice。同埋有好多蔬菜、而且薯仔外脆内軟。 傳統意大利芝士蘋果派：呢個加佢推薦所以叫，不過個人覺得比較遜色D。外面皮唔脆、裏面芝士硬曬同蘋果餡分離。有D似係出面買完放上碟禁。可以skip 晚餐時間客人唔係太多，坐得好舒服，而且位置都方便，適合朋友聚會。