Felice Cafe & Pasta (已結業)

放假天和友人來到銅鑼灣希雲街食lunch，見到呢間店門外有數人排隊，好多人撐，原來是良心店，一於支持💛！店內位置雖然不算多，但坐得舒服，一路播放令人振奮的歌曲，食物質素亦有驚喜好味道。我們點了兩客意思粉，一客是蟹肉鹹蛋黃意粉，價錢＄98，店員一拿來放上枱面，已經有陣陣的鹹蛋香味，非常吸引，意粉軟硬度岩岩好，鹹蛋黃粒有炒香過的，特別有咬口，不油不膩，配上蟹肉和鹹蛋黃粒，好夾的配搭，好喜歡呢！另一客意粉是牛油果卡邦尼意粉，價錢＄86，卡邦尼意粉creamy且多汁又忌廉香濃，加上配料是熟透的牛油果，既健康帶點香甜，仲有一隻蛋撈埋更有口感，吃得滋味。飲品推介：芝士奶蓋百香果紅茶，面頭的芝士奶蓋非常好味，芝士味香濃，配埋清甜百香果紅茶，好夾的味道，正。