醒辰冰室 (東匯坊)

營業中

休息中

今次去咗鰂魚涌一個翻新商場食晚飯，原來呢個商場以前係一個以水族為主題嘅商場。龍蝦湯 /周打魚湯 /意大利雜菜湯龍蝦湯口感幼滑，味道濃郁，啖啖鮮香。周打魚湯有蟹柳、魷魚同蜆肉，材料十分豐富。蘇格蘭煙三文魚沙律/西班牙火腿蜜瓜沙律沙律菜新鮮清甜，配醋汁越食越開胃。芝士焗澳洲帶子店員推介呢個前菜，帶子焗到金黃色，粒粒大粒厚肉，下面仲有好creamy嘅薯蓉。香濃鮮茄燴羊膝伴薯菜羊膝肉質軟腍，鮮茄汁同羊味互相配合，入口完全無羊羶味。扒紐西蘭香草牛柳伴薯菜牛柳六成熟，肉質幼嫩多汁，配菜有西蘭花、薯仔同紅蘿蔔，蘸燒汁更惹味。大蝦黑松露蘆筍忌廉汁意粉 大蝦夠曬大隻，相當吸引，入口新鮮爽彈，意粉十分掛汁，忌廉汁夠creamy。朱古力心太軟/意大利芝士餅心太軟焗到外脆內軟，朱古力味濃郁。芝士餅好冰凍，口感似雪糕一樣。