影片
更多
2019-04-25
279 瀏覽
朋友快將結婚，訂了間葡餐廳一齊食飯慶祝。依間餐廳佈置得好靚，而且座位寬敞。我地好彩有預先book位，我地七點去已經坐滿人。按正常程序，我地叫左沙律，小食，主菜同甜品。沙律係：里斯本沙律依個沙律特別在於佢唔係隨便用D切塊既水果就撈埋一齊做沙律。佢係用水果乾代替生果。佢入邊有無花果乾同蜜桃乾配上蔬菜同芝士，口感好好，甜美濃且清。葡式滋味多士：依個多士有好濃既芝士味，而且外脆內軟，好好味。後來先知原來佢係用三種唔多既芝士夾埋一齊煎，唔怪得甘好味。葡式洋蔥胡椒蝦：依個洋蔥胡椒蝦好正。初時見無黑色粒粒係面頭，以為佢係忌廉煮蝦，點知食落先感受到好濃既胡椒味。原來佢係用白胡椒。而且佢蝦下面唔係放意粉，而係放切得好幼既洋蔥條。洋蔥吸左D汁，好好食。乳豬：第一次係葡國餐廳食乳豬。乳豬皮燒得好脆。佢同出面既乳豬唔同，佢個皮無塗上蜜糖去燒，所以皮無一點點爆開，但既豬味更香濃。白砵燴雞：雞塊燴得好淋，刀輕輕一鎅已經切得開D雞肉。而個汁除左有好濃既酒香，仲有好多洋蔥，菇同蘿蔔。除左個雞好食外，以免浪費左D汁，一定要叫D包去點汁食。葡式滋味多士；依個多士係甜品。第一次食，有好大驚喜。佢話就話係多士，但完全唔係多士
按正常程序，我地叫左沙律，小食，主菜同甜品。
沙律係：里斯本沙律
依個沙律特別在於佢唔係隨便用D切塊既水果就撈埋一齊做沙律。佢係用水果乾代替生果。佢入邊有無花果乾同蜜桃乾配上蔬菜同芝士，口感好好，甜美濃且清。
葡式滋味多士：
依個多士有好濃既芝士味，而且外脆內軟，好好味。後來先知原來佢係用三種唔多既芝士夾埋一齊煎，唔怪得甘好味。
葡式洋蔥胡椒蝦：
依個洋蔥胡椒蝦好正。初時見無黑色粒粒係面頭，以為佢係忌廉煮蝦，點知食落先感受到好濃既胡椒味。原來佢係用白胡椒。而且佢蝦下面唔係放意粉，而係放切得好幼既洋蔥條。洋蔥吸左D汁，好好食。
乳豬：
第一次係葡國餐廳食乳豬。乳豬皮燒得好脆。佢同出面既乳豬唔同，佢個皮無塗上蜜糖去燒，所以皮無一點點爆開，但既豬味更香濃。
白砵燴雞：
雞塊燴得好淋，刀輕輕一鎅已經切得開D雞肉。而個汁除左有好濃既酒香，仲有好多洋蔥，菇同蘿蔔。除左個雞好食外，以免浪費左D汁，一定要叫D包去點汁食。
葡式滋味多士；
依個多士係甜品。第一次食，有好大驚喜。佢話就話係多士，但完全唔係多士口感，係甘高層次既口感，就好似食緊炸鮮奶，但外層被焦糖包裹，內層更軟滑一點既口感。好正。
白砵酒雪糕，紅砵酒雪糕&咖啡雪糕：
有乾冰的點綴，樣子有加分。佢依D雪糕，味道比出面既濃好多，好好食。
張貼
