薄餅怪獸

營業中

休息中

怪獸薄餅位於土瓜灣，價錢貼地性價比高，而且有啤酒仲買三送一，約朋友嚟坐吓飲嘢都好抵～食物方面，今次試咗一客蒜蓉大蝦意大利粉，質素都相當高😋蒜茸入味得來唔會太鹹，落少少辣椒醬調一調味，好食到停唔到口！大蝦大大隻份量都夠一個成年男人做一餐晚飯，而且價錢非常平民，學生哥都食得起，港人抗通脹唔使咁遠返到深圳食嘢，薄餅怪獸都係一個好選擇😍嚟到薄餅怪獸梗係要試吓薄餅啦，呢度嘅薄餅餅底搓得好鬆軟，咬落有口感又唔會太韌，配襯着芝士醬又唔會太乾，加埋餡料鹹度適中，恰到好處~最後提一提呢度嘅飲品都沖得好好飲，咖啡奶茶都沖泡得好香濃，可以話係茶餐廳嘅價錢，食西餐餐廳嘅水平。大家未諗到今晚食咩，不妨考慮一下🤩