焼き鳥。来 (已結業)

行過太子大南街聞到香噴噴，原來有間新式日式串燒外賣店「燒鳥來」，銀色門面好sharp醒，全開放式廚房見著師傅即叫即燒🔥👍🏼仲用咗店家嘅秘製醬汁。店外仲特設2部自助售賣機，落單慢慢揀完仲可以電子付款，夠晒方便。旁邊有2張小小摺枱，可以立食燒好即刻享用🤤串燒選擇多，其中有些更用咗來自日本嘅食材，價錢親民，屬掃街之選。🔶日本雞腎串 $18用咗日本產食材👍🏼🥳雞腎彈滑又嫩，入口富質感，秘製醬汁十分香口惹味，好正，特別推介。🔶焦糖燒菠蘿 $181客有6大件，好抵。燒菠蘿上面有一層薄薄的微脆焦糖，多汁香甜又有焦糖香。🔶 燒韮菜 $15食串燒我都好鍾意食燒韭菜，依家街頭串燒店都有，隨時都嘆到🤤1大串，燒得好入味。🔶 A4 和牛串 $53調味恰好，不會掩蓋牛香，牛味濃郁，入口嫩滑juicy 。