Le Marché Steak & Frites (已結業)

將軍澳海旁最近開左間新餐廳 Le Marché Steak & Frites，餐廳地方唔大但係氣氛都幾chill，幾適合三五知己坐低飲返兩杯，到走果時唔覺唔覺都坐到9點幾。 美國特選級天然「黑白牛」肉眼扒 16oz $468 佢地選用到特選級既美國肉眼，質素有返咁上下保證。店員推介我地食medium rare，我地唔怕太生太多血水所以就跟佢意見。果然店員推介係唔同d，咬落肉質唔單止軟，而且十分之多肉汁，再加上牛扒有一定既厚度，口感十足，非常好食。 烤阿拉斯加比目魚 $248 比目魚用牛油紙包住咁烤，上面再加左香草，橙，同小蕃茄等等，令到比目魚可以keep到仍然十分水潤多汁，而香草既味道更加能夠帶出魚油香味，絕對係必食之選。 爺爺西班牙油條配提拉米蘇 $98 所謂西班牙油條其實就係churros，churros本身脆口而唔會太油，入面仲保持濕潤唔會食到個口好乾，再配上tiramisu加埋一齊真係配合得好好。順帶一提，佢地呢度既薯條係任食，薯條新鮮炸起真係無得輸。