Oui Oui Bistro (已結業)

今晚同老公出黎拍拖食飯，係屋企附近搵左間西餐廳。入到去環境暗暗地幾浪漫。頭盤嘅麵包個皮脆脆地，白色嘅麵包軟林林。不過啲牛油奶so味，自己唔係幾鍾意不過老公就話好好味。我哋一人叫左一杯酒我就叫左Champagne，味道甜甜地幾易入口，老公叫咗杯白酒，After taste都幾勁。到咗主菜，lamb risotto 個樣好吸引而且好精緻。黃色嗰d應該係南瓜醬，紅色嗰啲應該係紅菜頭。risotto 好creamy，軟硬度適中。羊架都煎得岩岩好，而且唔會有好多肥羔。Chicken pasta個醬應該係用咗新鮮蕃茄做，淡淡嘅蕃茄味好清新。不過個雞胸有啲乾。整體都非常滿意👍🏻