i kitchen (已結業)

觀塘工廠區竟然有一間好吸引嘅高質西餐廳「I kitchen」，餐廳環境好舒適，同男朋友嚟食飯就岩哂❤️▪️炸薯條伴松露醬▪️炸薯條要好食都唔容易，除咗要夠晒熱辣辣同香脆之餘，亦唔可以太油膩！呢間餐廳處理得非常之好，加上配左個好香濃嘅松露醬，正！▫️澳洲穀飼牛肉眼配松露燒汁▫️牛肉眼扒非常之大塊，份量十足，而且牛肉味都好香濃，肉質軟腍！▪️醬燒美國豬仔骨▪️豬仔骨嘅賣相都非常吸引，有啲蔬菜做碗碟，令到成個感覺更加高級，豬仔骨燒完之後醬汁嘅味道都好香甜入味！無論係肉定係骨都食到醬汁嘅味道。▫️玫瑰士多啤梨鮮奶▫️呢杯玫瑰士多啤梨鮮奶有超特濃嘅牛奶香味，真係好鍾意，加上士多啤梨都好甜，有淡淡的玫瑰香味，叫我飲多幾杯都仲得🥰