影片
更多
2019-10-23
158 瀏覽
係fb見到哩間觀塘樓上西餐廳好靚，今日專登黎打下卡！入到去環境好大好靚，可惜粉紅色theme果邊坐滿左人，無得去果邊影相，我地坐哩邊就grand啲，另一種感覺。入到黎發現星期一或三6點後main course買一送一，可惜今日係星期5.....原來咁抵，下次星期一再黎食！同朋友嗌左一個dinner set+一個main course食，見幾好mood，想嗌多支白酒chill下。哩到酒既種類都好多，我同朋友其實唔係好識揀，店員都好好過左黎recommend我地一枝甜啲易入口啲既酒，我同朋友都好滿意。前菜有脆多士同埋沙律，沙律夠fresh。個多士好驚喜，上面有舊炸芋泥，加埋牛油果醬同蝦球一齊食，哩個真係好好食好推介！就咁單點都會想再嗌！上埋個set湯同餐包就上main。dinner set個main我地嗌左烤黑毛豬，切開都係有少少紅肉，肉質好嫩，唔會好dry果種。另外嗌左main係鵝肝黑松露risotto，好大舊鵝肝，好creamy。黑松露味道好濃郁好出，d菇都炒得香口。最後食埋個甜品飲哂啲酒，飽呀！飲飽食醉好幸福，下次要星期一黎！
入到黎發現星期一或三6點後main course買一送一，可惜今日係星期5.....原來咁抵，下次星期一再黎食！
同朋友嗌左一個dinner set+一個main course食，見幾好mood，想嗌多支白酒chill下。哩到酒既種類都好多，我同朋友其實唔係好識揀，店員都好好過左黎recommend我地一枝甜啲易入口啲既酒，我同朋友都好滿意。
前菜有脆多士同埋沙律，沙律夠fresh。
個多士好驚喜，上面有舊炸芋泥，加埋牛油果醬同蝦球一齊食，哩個真係好好食好推介！就咁單點都會想再嗌！
上埋個set湯同餐包就上main。dinner set個main我地嗌左烤黑毛豬，切開都係有少少紅肉，肉質好嫩，唔會好dry果種。
另外嗌左main係鵝肝黑松露risotto，好大舊鵝肝，好creamy。黑松露味道好濃郁好出，d菇都炒得香口。
最後食埋個甜品飲哂啲酒，飽呀！飲飽食醉好幸福，下次要星期一黎！
張貼
