Bacchus (已結業)

位於銅鑼灣百樂中心9樓樓上，門外侍應接待友善，新裝修而且擺設精美，整體氣氛非常不錯。前菜方面，帕爾馬火腿蜜瓜作為頭盤，甘香火腿配上新鮮蜜瓜，肥而不膩口感清新。胡麻清酒炙燒吞拿魚，份量十足，口感特別而且帶有黑椒香味配上爆汁蕃茄非常醒胃。主菜方面，慢煮法國黃油雞口感幼嫩，而且大大份啖啖香滑雞肉，鍾意食肉嘅朋友唔好錯過。北海道蒜香帶子橄欖油意粉，整體蒜香味道濃郁，而且帶子每一粒大大粒，煎香過再加上橄欖油和其他調味料，令到意粉整體色香味俱全。甜品方面柚子芝士蛋糕非常特別，有子味道做芝士蛋糕亦都非常少見，味道感覺清新！Tiramisu概念亦都非常有趣，經理為我們介紹，這個甜品模擬一杯倒瀉咗嘅Espresso而且將一般Tiramisu嘅結構完全反轉，無論食物畫面，味道亦都非常特別，呢一種食法都係第一次見，非常創新！