Dr. Italian Pizza & Pasta (已結業)

今日朋友約我黎呢到睇戲，由於入面唔可以食野，所以就係隔離附近food court食飽先。呢間pizza店個公仔好吸引我注目，叫左個二至三人套餐，包括夏威夷薄餅，黑松露卡邦尼，奇妙雞軟骨再配有湯及汽水。雞軟骨唔係咁多餐廳有得點，呢個食黎好香脆，軟骨又有咬口，好食，飲埋忌廉湯，夠晒開胃。之後就嘆pizza,估唔到咁足料，芝士鋪滿晒，熱溶後更是邪惡，其他材料粟米，火腿，菠蘿當然是無得輸之作，重點個批底都好好味，有一定厚度口感。松露卡邦尼食得多，呢間味道好好食，意粉掛晒汁，份量又多，食落軟硬適中，絕對同西餐廳有得揮。諗住係food court求其食下，點知食到咁高質美食，好驚咁飽一陣睇戲訓著。