影片
更多
2018-07-20
27 瀏覽
估唔到觀塘工廈裏面有間咁正既私房菜！想私藏喔😂今次同屋企人揀左5-course Set完全係好滿足既一餐，所以K今次打左一大篇分享下😝。一上到去已經好鐘意佢地既環境，因為環境好寛敞，枱與枱之間有較多空間，每枱客都可以自成一角，同班fd慢慢吹水真係好正！而且店員姨姨都比較熱情，服務好好呢。Appetizer 係 象拔蚌配日式芝麻醬同蟹肉沙律 同 香煎鴨肝配慢煮菠蘿！象拔蚌配芝麻醬感覺較為和風，裏面仲拌入青瓜😝，象拔蚌絲爽口彈牙，而且幾鮮味！鴨肝外層煎到焦脆，油脂豐腴，入口即化，但用左黑醋醬汁，所以食完都唔會覺得膩。店員姨姨特別介紹菠蘿用上慢煮方式，所以食落係無渣既，咦，又真係喎😊。食落好多汁，不過唔算話好甜。估唔到湯我都要開一段介紹😂😂，今次係 野菌忌廉湯 同 焗法式洋蔥湯。K好鐘意佢地個野菌忌廉湯，聞落已經好香，飲一啖既感覺係好似一野放左好多菇落口既濃郁😍，K呢個菇迷完全被征服了！焗洋蔥湯以玻璃杯上枱，上面有一層酥皮同芝士，烤到熱辣辣，溶化既芝士有得拉絲之餘，味道都幾濃，洋蔥湯又甜甜地，唔錯。Pasta係自製意大利雲吞，裏面有龍蝦同海鮮餡，食落龍蝦味道好出，應該都有用龍蝦整左個汁，所以
Appetizer 係 象拔蚌配日式芝麻醬同蟹肉沙律 同 香煎鴨肝配慢煮菠蘿！象拔蚌配芝麻醬感覺較為和風，裏面仲拌入青瓜😝，象拔蚌絲爽口彈牙，而且幾鮮味！鴨肝外層煎到焦脆，油脂豐腴，入口即化，但用左黑醋醬汁，所以食完都唔會覺得膩。店員姨姨特別介紹菠蘿用上慢煮方式，所以食落係無渣既，咦，又真係喎😊。食落好多汁，不過唔算話好甜。
估唔到湯我都要開一段介紹😂😂，今次係 野菌忌廉湯 同 焗法式洋蔥湯。K好鐘意佢地個野菌忌廉湯，聞落已經好香，飲一啖既感覺係好似一野放左好多菇落口既濃郁😍，K呢個菇迷完全被征服了！焗洋蔥湯以玻璃杯上枱，上面有一層酥皮同芝士，烤到熱辣辣，溶化既芝士有得拉絲之餘，味道都幾濃，洋蔥湯又甜甜地，唔錯。
Pasta係自製意大利雲吞，裏面有龍蝦同海鮮餡，食落龍蝦味道好出，應該都有用龍蝦整左個汁，所以好鮮味。另外既係自製墨汁意粉配香煎帶子及蕃茄醬。店員話係直接將墨汁打入意粉裏面，所以唔會食到個嘴變黑色😂😂。自製既意粉比較有韌度，口感較彈牙，但墨汁味道就唔太覺，而蕃茄醬用左新鮮蕃茄，唔係出面吖果d現成茄醬，所以食落偏酸，但幾開胃！
Main揀左香煎印度洋老虎海蝦配蒜蓉香草蕃茄汁($468) 同 慢煮紐西蘭牛柳配紅酒汁($448)。其實一開始都擔心叫蝦個份量會好少🤔，原來都有三隻大大隻既蝦😝，而且好彈牙，周圍仲有好多配菜，茄子吖蔬菜串咁樣，而且烤得幾juicy😁。慢煮紐西蘭牛柳既配菜同蝦既一樣，牛柳切開都見到粉嫩既肉，食落軟腍，但覺得肉汁唔算多。
甜品拼盤($98)岩哂貪心既K，因為佢有齊餐廳四款甜品😍，梳乎厘、慢煮蘋果批、青檸批同朱古力批，由淡至濃味，梳乎厘好輕柔；蘋果批用左提子乾、松子一齊煮，口感幾豐富，不過唔知有無落到玉桂呢，食落就唔太覺；青檸批口感creamy，味道酸酸甜甜幾清新；朱古力批就係細滑既朱古力慕絲！
張貼
