Marka House (已搬遷) 新店位置

去睇戲前同朋友食個飯，諗起之前有個朋友話有間西餐廳係紅橋個邊就去食左。入到去裝飾都幾靚，位置都闊落，坐得好舒服。我同朋友揀左一個南瓜帆立貝意大利飯同忌廉虎蝦意大利麵既set dinner。另外再加左個泰式辣汁煙三文魚。先講下個前菜，沙律幾好食，配上黑醋酸酸地幾開胃。個湯睇得出唔係就咁罐頭貨色，係自己煲，味道好濃郁。意大利飯煮得好好，做到軟中帶硬既口感，亦唔會煮到好水，濕立立。味道唔會過重/太淡，個人黎講好中意。意大利麵個蝦幾出色，食落彈牙，唔係冰鮮無款個類。味道都係岩岩好，都幾好食。三文魚咁樣食真係第一次，有驚喜，辣汁配埋生蒜片真係幾夾，有種食泰式生蝦既感覺。