Chalet (已結業)

前日同男朋友來呢間餐廳浪漫下餐廳可分2個area, 靠門口果邊光猛d, 如果想浪漫昏暗少少就坐入面。我同男友叫左一個set dinner同埋一份main course, 都夠飽！頭盤係煙三文魚牛油果芝士卷煙三文魚入面包住啲芝士，估唔到味道幾夾！ 三文魚有煙熏味得嚟又唔咸餐湯係野菌忌廉湯，質地好濃稠同滑身好有菇味！ 餐包樣子平平無奇但有驚喜， 外皮好脆口，同餐湯幾夾美國頂級西冷牛扒 12安士 5成熟牛扒熟度剛好，肉質好稔同埋好有牛味！ 調味簡單，配上的醬汁亦唔算重口味，但更加突出左牛的味道！ 我 鐘意加埋烤香左嘅蒜一齊食，層次提高左Side dish加左甜薯條勁推介！ 炸得好脆口，再撒上少少鹽，帶出左番薯本身嘅甜味份量都幾夠跟餐甜品係椰汁奶凍， 好滑，椰汁味好重，奶凍嚟講有水準。另一主菜係：西班牙黑毛豬鞍配蜜糖白酒燴蘋果超厚的豬鞍食左一半都飽飽地，肉質juicy，邊邊位置有油脂香味好食！ 佢嘅擺盤都幾有心思，造型靚之餘，醬汁係岩岩好夠燴蘋果幾甜，少少酒味叫左杯hoegaarden, 夠凍。