影片
更多
2022-07-26
123 瀏覽
第一次食呢間樓上順德私房菜，超高水準超高質，好味之餘，價錢相宜，最緊要感受到老闆同師傅對每一道菜嘅用心，一定會回頭再幫襯！我地叫左個二人餐，真心講兩個人食份量偏多，已經淨係叫左一碗白飯share，都食到好飽。名門二人杏福精選午市套餐 兩位用$728杏汁炖白肺湯超鍾意杏汁杏仁茶嘅我，對呢個湯都幾高要求，呢個湯完全係我想要嘅味，超級足料，生磨南北杏，令到杏仁味超濃，豬肺煲到好腍，侍應好貼心咁準備左豉油比我地點黎食吊味！鑲鑽黃金蝦賣相好靚，睇落隻蝦好大隻，以為好厚炸粉，原來唔係，係隻蝦就係咁大隻，外層沾左鹹蛋黃同麥片，好特別嘅配搭，香脆可口，蝦肉好新鮮開邊再落鑊炸，啖啖肉好正，蝦頭都炸到脆卜卜，蝦膏好鮮甜！大良炸鮮奶炸鮮奶好難掌握，上碟同食嘅時間唔同，感覺都差好遠，呢個時間、口感、味道都拿捏得啱啱好，上碟時熱辣辣啱啱新鮮炸起，外層香脆，入面嘅鮮奶有少少流心，唔會成舊粉咁，牛奶味香濃，係我食過最好味最正嘅炸鮮奶！$128 精美小菜任選一款 - 順德煎釀鯪魚呢道菜好考功夫同心機，師傅用左三條鯪魚肉，再釀成一條，用番魚頭、魚皮、魚尾以一條完整嘅魚嘅形態再呈現出嚟，鯪魚肉爽口彈牙，師傅應該打鯪魚肉打
我地叫左個二人餐，真心講兩個人食份量偏多，已經淨係叫左一碗白飯share，都食到好飽。
名門二人杏福精選午市套餐 兩位用$728
杏汁炖白肺湯
超鍾意杏汁杏仁茶嘅我，對呢個湯都幾高要求，呢個湯完全係我想要嘅味，超級足料，生磨南北杏，令到杏仁味超濃，豬肺煲到好腍，侍應好貼心咁準備左豉油比我地點黎食吊味！
鑲鑽黃金蝦
賣相好靚，睇落隻蝦好大隻，以為好厚炸粉，原來唔係，係隻蝦就係咁大隻，外層沾左鹹蛋黃同麥片，好特別嘅配搭，香脆可口，蝦肉好新鮮開邊再落鑊炸，啖啖肉好正，蝦頭都炸到脆卜卜，蝦膏好鮮甜！
大良炸鮮奶
炸鮮奶好難掌握，上碟同食嘅時間唔同，感覺都差好遠，呢個時間、口感、味道都拿捏得啱啱好，上碟時熱辣辣啱啱新鮮炸起，外層香脆，入面嘅鮮奶有少少流心，唔會成舊粉咁，牛奶味香濃，係我食過最好味最正嘅炸鮮奶！
$128 精美小菜任選一款 - 順德煎釀鯪魚
呢道菜好考功夫同心機，師傅用左三條鯪魚肉，再釀成一條，用番魚頭、魚皮、魚尾以一條完整嘅魚嘅形態再呈現出嚟，鯪魚肉爽口彈牙，師傅應該打鯪魚肉打到起晒膠。
順德污糟雞(半隻)
呢度菜好香好惹味，離遠已經聞到好香酒香味，師傅用左黃酒、紹興酒、玫瑰露酒醃隻雞，再落左黑白胡椒調味，所以有少少辣，雞件切得好細件，所以特別入味，而用蒸黎做烹調方法就可以更加鎖緊味道，第一次食已經愛上左呢道菜，我地仲用左啲蒸雞汁嚟撈飯添！
上湯時蔬
菜心清甜，浸上湯清清地去油膩感，平衡番之前幾碟較濃味嘅菜。
生磨蛋白杏仁茶
最後甜品都係我至愛嘅杏仁，即叫即煮所以要預10-20分鐘，都係好濃味嘅杏仁味，超喜歡！
張貼
