La Resaca (已結業)

位於灣仔新開嘅西班牙菜餐廳la resaca，地點方便仲要有happy hour 時段，最適合附近打工仔放工過黎飲番杯！脆皮豬手配2杯生啤($248)呢個happy hour set真係好抵，啱哂愛酒人士！豬手即叫即燒，熱辣辣上枱，而且已經切好一件件方便一路飲一路食。豬皮燒得超級香脆，完全唔怕有油膩感；豬肉本身肉味香濃，唔會燒得太乾身，豬皮豬肉加上少少肥膏，沾上蜜糖芥末醬一啖食落去就最正喇🤤生啤方面店員介紹咗Estrella Damm Lemon，西班牙老牌Estrella一向有保證，呢一款加上檸檬清香，減少啤酒本身苦澀味，好容易入口，飲唔慣啤酒都會鍾意！溫泉蛋辣肉腸薯絲叫咗一款tapas送酒，一絲絲薯仔口感香脆，加入臘肉腸粒多咗分鹹香。將上面溫泉蛋撈勻，每一啖味道層次都好豐富西班牙海鮮飯黎到飲酒唔爭在食埋晚飯，西班牙海鮮飯用傳統skillet上枱保持溫度，上面海鮮有大蝦、青口、魷魚筒等等，海鮮精華融入下面米飯，鮮味十足