Deesses Bakery

營業中

休息中

今日去濕地公園嘅路途上竟然俾我發現呢間喺天水圍隱世嘅精緻麵包舖。鋪面好少女心，而入邊嘅麵包蛋糕都係行啲精緻靚靚路線，例如啲牛角包有唔同色又有cream。而我今次就買咗一個芋泥麻薯貝果，大大隻先$17覺得都幾抵，對比出邊可能一隻都要$30。一咬落去入邊嘅麻薯好多，絕對唔會係得一啖就冇晒，而芋泥亦都足料，絕對唔會係好假好死甜，係真係有芋頭嘅味道。而個包嘅質感就相對冇咁煙靭，不過都唔錯。呢個價錢呢個份量同味道絕對係性價比高，如果下次再經過應該會想試吓其他系列例如牛角包。