幸拉麵 (已結業)

今日放工經過炮台山嘅時候見到一間好日式嘅拉麵鋪 平時晏就都要排晒隊今日難得可以即刻有位就同友人去咗試下新野 話晒我哋都鍾意支持小店 老闆嘅裝飾都好細心廚房嘅設計甚至係枱面嘅配料都同我去日本嘅拉麵店係一樣嘅入到鋪頭得兩位員工 平時都忙到踢晒腳今日有時間可以同我地慢慢介紹有咩湯底 湯底其實都係得幾個選擇不過就係得幾個選擇 先至對佢有信心 揀嘢食從來都係貴精不貴多反正五個湯底要選擇已經要拗爆頭諗左好耐要唔要食辣 因為成日都驚啲辣味會蓋過啲味搞咗一輪最尾都係揀咗辣味同埋黑蒜味 我食嘅係辣味湯底 佢又有好多嘅蕃茄蓉但係又有好香嘅辣味 果然冇嗌錯令一邊廂嘅黑蒜湯底 賣相都好靚仔 湯底仲好濃既蒜頭味食完成晚都仲有嗰陣味 食得出好足料兩個人食完買單都唔使$200認真超值