影片
更多
2019-03-13
53 瀏覽
近日眼見樓市有D轉勢，所以走佐去灣仔睇樓，了解一下個market。行佐5-6個單位啦，放盤的確係多佐既，但係D樓價其實都無乜點跌價，開價全部都係屋苑既破頂價，當然，無乜興趣去接火棒啦，所以就放棄，搵間餐廳食飯最實際。望到呢間車仔麵店幾四正，而且夠哂多人，咁就應該實係好啦，決定入內一試。呢間車仔麵店都幾大間，燈光柔和，感覺好整齊，好乾淨。枱面上有酸蘿蔔和辣椒醬。餐紙夠簡潦，亦都應有盡有，湯底$24，包埋一個麵，而餸料就最少要揀3個，價錢由$6 - $15不等。跟麵會有一杯熱飲送，亦都可以揀選其他既特式飲品。除佐車仔麵，同埋飯餐外，呢度亦有燉湯既選擇，$68-$128，有多款選擇，就連花膠，鮑魚都可以喺度order 得到，但值得留意既係，並唔係所有燉湯都可以order 得到既，要留意餐廳既大牌，睇下廚師預備佐邊款先可以有得 Order 。3餸車仔麵 A - $66第一碗我揀佐傳統牛骨湯 + 秘製沙爹汁 + 菠菜麵 + 皇牌豬腩仔 + 日本無公害糖心蛋 + 手工白菜餃牛骨湯比較清，飲落無味精，湯底會包佐木耳同埋椰菜，菠菜麵既麵質煮得剛剛好，食落係無菜味既，但係就夠哂口感。糖心蛋一隻開邊，好濃
行佐5-6個單位啦，放盤的確係多佐既，但係D樓價其實都無乜點跌價，開價全部都係屋苑既破頂價，當然，無乜興趣去接火棒啦，所以就放棄，搵間餐廳食飯最實際。
望到呢間車仔麵店幾四正，而且夠哂多人，咁就應該實係好啦，決定入內一試。
呢間車仔麵店都幾大間，燈光柔和，感覺好整齊，好乾淨。
枱面上有酸蘿蔔和辣椒醬。
餐紙夠簡潦，亦都應有盡有，湯底$24，包埋一個麵，而餸料就最少要揀3個，價錢由$6 - $15不等。
跟麵會有一杯熱飲送，亦都可以揀選其他既特式飲品。
除佐車仔麵，同埋飯餐外，呢度亦有燉湯既選擇，$68-$128，有多款選擇，就連花膠，鮑魚都可以喺度order 得到，但值得留意既係，並唔係所有燉湯都可以order 得到既，要留意餐廳既大牌，睇下廚師預備佐邊款先可以有得 Order 。
3餸車仔麵 A - $66
第一碗我揀佐傳統牛骨湯 + 秘製沙爹汁 + 菠菜麵 + 皇牌豬腩仔 + 日本無公害糖心蛋 + 手工白菜餃
牛骨湯比較清，飲落無味精，湯底會包佐木耳同埋椰菜，菠菜麵既麵質煮得剛剛好，食落係無菜味既，但係就夠哂口感。
糖心蛋一隻開邊，好濃味，有D似茶葉蛋既質感，而皇牌豬腩仔係另上既，肥瘦比例岩岩好，非常高質。
3餸車仔麵 B- $66
而另一碗就揀佐金牌豬骨湯 + 銀針粉 (限量供應) + 咖哩牛甥腩 + 咖哩陳皮魚蛋 + 瑞士雞翼。
另一碗因為麵類揀佐銀針粉，所以想連湯一齊食，所以就無加額外既醬料。
而無獨有偶，原來我地點既菜式都係有汁既，包括咖哩汁，同埋瑞士汁，好彩餐廳好醒目地將粉同埋餸料分開上，咁就唔會破壞佐個湯。
銀針粉都幾大碗，連湯食真係好好味，咖哩牛甥腩一半筋一半腩，而且炆得好軟腍，咖哩汁入哂味，好正。
陳皮魚蛋真係唔係好多餐廳食得到，而呢度就真係做得好好，有彈性好感同埋個陳皮味都幾突出。
飲品我地點佐豆漿2杯，一凍一熱，個人喜歡凍飲，大杯過熱飲好多，做得好濃好粉。
原條人蔘燉老雞 $108
經常餓湯既我地都忍唔住手點佐一碗燉湯，話得係原條人蔘真係無騙我地，而且條蔘都真係好大條好粗，飲落好有甘香好好味，而最重要既係無味精！
除佐大大條既人蔘外，仲有好多雞同埋豬肉，可以連湯料都食埋，咁足料，呢個價錢絕對值得一試！
張貼
