影片
更多
2020-10-30
1834 瀏覽
作為珍姐粉絲, 見佢喺中環開咗火煱店, 即刻相約老公同埋朋友仔去珍姐度打邊爐, 以美食開始10 月頭呢個長假期啦! (提提你: 上環珍姐已結業) 珍姐位於蘭桂坊中間O既一條巷, 叫和安里, 由中環站行上去大約5 分鍾就到了。就算當晚一出地鐵站開始落毛毛雨, 快步行一陣就到了。一入到巷已經見到五光十色O既霓虹燈招牌, 勁易認。當晚BOOK 咗7 點, 因為BOOKING 好FULL, 所以食店分咗2 個時段, 1) 6-9pm; 2) 9pm-12am. 我哋叫咗呢個二人火煱套餐, 再加海鮮同其他食物。以下係火煱MENU, 剔完就俾店員入單。飲品MENU, 珍姐特飲不能錯過呀! 晚市仲有極品手切牛豬油撈麵, 下次試下先! 二人套餐包括自選湯底, 招牌豬骨蜆煲/清潤椰子竹絲雞煲, 諗咗陣, 秋天要潤一潤佢, 就清潤椰子竹絲雞煲啦! 清潤椰子竹絲雞煲 (湯底) - 個湯底一嚟到, 嘩! 成隻竹絲雞上, 仲有杞子同粟米添呀! 未開始火煱, 就梗係呢個時候睇下個湯底咩質素, 一飲, 我哋3 個同時發出驚嘆聲: 好清甜呀!!! 唔係味精味, 係媽媽煲O既湯味呀! 真係好想先飲一煲先加湯打邊
珍姐位於蘭桂坊中間O既一條巷, 叫和安里, 由中環站行上去大約5 分鍾就到了。就算當晚一出地鐵站開始落毛毛雨, 快步行一陣就到了。一入到巷已經見到五光十色O既霓虹燈招牌, 勁易認。
當晚BOOK 咗7 點, 因為BOOKING 好FULL, 所以食店分咗2 個時段, 1) 6-9pm; 2) 9pm-12am.
我哋叫咗呢個二人火煱套餐, 再加海鮮同其他食物。
以下係火煱MENU, 剔完就俾店員入單。
飲品MENU, 珍姐特飲不能錯過呀!
晚市仲有極品手切牛豬油撈麵, 下次試下先!
二人套餐包括自選湯底, 招牌豬骨蜆煲/清潤椰子竹絲雞煲, 諗咗陣, 秋天要潤一潤佢, 就清潤椰子竹絲雞煲啦!
清潤椰子竹絲雞煲 (湯底) - 個湯底一嚟到, 嘩! 成隻竹絲雞上, 仲有杞子同粟米添呀! 未開始火煱, 就梗係呢個時候睇下個湯底咩質素, 一飲, 我哋3 個同時發出驚嘆聲: 好清甜呀!!! 唔係味精味, 係媽媽煲O既湯味呀! 真係好想先飲一煲先加湯打邊爐呀!
清潤椰子竹絲雞煲
69 瀏覽
0 讚好
0 留言
試完個湯底, 對今晚O既火煱料開始勁期待啦!
手切本地肥牛 - 封門柳
不愧為手切本地肥牛, 好淋, 好有牛肉味, 肉帶少少肥令味道有少少甘, 好好食呀! 平日都係食開頸脊, 估唔到封門咁好食, 這是呢餐邊爐教曉我O既一件事。
手切本地牛肉 - 封門
58 瀏覽
0 讚好
0 留言
厚切午餐肉 - 午餐肉真心厚切同炸過, 好有誠意! 一向出面餐廳好少係炸過O既, 炸咗O既午餐肉唔單止淥起上嚟冇咁易散, 而家食落都香口D!
厚切午餐肉
47 瀏覽
0 讚好
0 留言
魷魚串及珍寶蟹柳 - 魷魚串用我鍾意O既鬚頭, 好有咬口; 珍寶蟹柳簡直係我最愛
魷魚串及珍寶蟹柳
37 瀏覽
0 讚好
0 留言
陳皮魚旦同海魚魚旦 - 陳皮魚旦係上環珍姐O既招牌, 好開心中環珍姐都有得食。陳旦魚旦咬落煙韌, 係打邊爐O既一個好配搭
鳳城雲吞, 韭菜餃同粟米豬肉餃 - 鳳城雲吞皮薄餡靚; 韭菜餃同粟米豬肉餃都好食
上: 陳皮魚旦同海魚魚旦; 下: 鳳城雲吞, 韭菜餃同粟米豬肉餃
38 瀏覽
0 讚好
0 留言
除咗二人套餐, 我哋仲叫咗海鮮, 海鮮先係重頭戲呀!!!!!
我哋叫左沙白, 蟶子皇, 花竹蝦同珍寶瀨尿蝦, 初初諗住叫海鮮時, 都猶豫咗一陣, 因為都唔平。不過要食得高興就要豁出去! 所以都冇再諗咁多, 睇到想食乜就嗌!
沙白同蟶子皇食得出好新鮮
但我想重點講下花竹蝦同珍寶瀨尿蝦
花竹蝦 - 身為蝦FANS, 深深知道花竹蝦係幾好食, 當晚見到有但得返2 隻時, 二話不說: 要晒佢哋呀! 一隻不留!!! (其實都係得2 隻)
花竹蝦淥熟咗依然有成部細IPHONE 咁大隻, 大佬呀! 隻蝦已經鬈起咗, 但都可以大成咁! 會唔會太過份呀!
好啦, 竹花蝦, 我要食你啦! MIT 開蝦殼, 肉厚, 食落口, 又鮮又彈牙! 好滿足呀! 加埋個鮮甜湯底, 甜上加甜, 點解得返2 隻架?
(提提你: 如果唔想好似我哋咁3 人分2 隻花竹蝦, 一定要打電話預先訂呀)
沙白，蟶子皇, 花竹蝦
143 瀏覽
0 讚好
0 留言
珍寶瀨尿蝦 - 咩叫珍寶? 唔係大, 係極大! 咩事瀨尿蝦可以筷子同男人前臂咁長, 真不是蓋的!
我哋本身想食咗套餐O既食物先, 但係店員經過見到我哋仲未淥瀨尿蝦, 都不忘提醒要趁佢仲未死快D 食咗先, 如果等佢死咗先食, 肉質就會冇咁彈牙。
珍寶瀨尿蝦
68 瀏覽
0 讚好
0 留言
好! 就開波啦!
我哋唔係好知咁大隻要淥幾耐, 所以淥緊期間都有問店員熟未呢? 佢哋都好耐心咁幫我哋睇, 淥好之後幫手夾起, 然後好貼心咁切開成小舊咁上返碟俾我哋食。
珍寶瀨尿蝦
165 瀏覽
0 讚好
0 留言
店員切好後, 食客唔駛手忙腳亂自己拆開, 只需要專心食就可以。
珍寶瀨尿蝦
96 瀏覽
0 讚好
0 留言
不愧為珍寶瀨尿蝦, 肉厚, 又鮮! 加上店員幫忙切成細舊, 基本上輕輕一剝就有得食了! 我哋叫咗2 隻, 加加埋埋都有成10 舊, 每舊都好厚肉, 好滿足呀!
珍寶瀨尿蝦
33 瀏覽
0 讚好
0 留言
好啦, 嚟到中場休息! 當我哋好享受當晚8,90 年代O既金曲時 (都有新歌O既), 阿老闆捧住一大盤牛過嚟同每一枱介紹唔同部位O既特色同O既口感, 講真! 佢唔講, 我自己一直都以為只有頸脊最好食, 老闆介紹完先發現原來有咁多"了能" 位可以試。上一課了!
坐坐下, 本來都好擔心9 點要交枱, 邊度食得晒咁多嘢呀! 點知突然傳來已發黑雨警告 (嘩! 真係食到不知外邊橫風橫雨呀! ) 我哋被告之之後有D BOOKING CANCEL 咗, 我哋可以繼續坐, 繼續慢慢食。(心中暗喜)
既然可以慢慢食, 咁我哋再點現炸魚皮同手打金沙墨魚丸。
現炸魚皮 - 老闆娘誠推現炸魚皮, 落咗單之後等咗大約10 分鐘先上, 我哋都覺得好奇怪, 點解現成炸魚皮要等咁耐? 唔通漏咗單? 點知一食落口, 噢! 係熱咖!! 原來係現炸魚皮! 好脆口, 又冇油益味! 同出面現成O既好唔同, 再浸一浸已經煲左2 個鐘O既湯, 個湯已經煲到勁甜, 好味!
現炸魚皮
29 瀏覽
0 讚好
0 留言
手打金沙墨魚丸 - 老公鍾意食墨丸, 我鍾意食鹹蛋王, 冇理由唔試呢個手打金沙墨魚丸O既! 我覺得呢個係誠意之作。首先一咬落去, 食到墨丸O既鮮味, 然後再食到鹹蛋王O既鹹甘味, 兩者再MIX 埋一齊, 味道好融合。
手打金沙墨魚丸
$88
30 瀏覽
0 讚好
0 留言
手打金沙墨魚丸
$88
32 瀏覽
0 讚好
0 留言
食到呢度, 個湯底其實已經煲左3 個鍾, 我哋梗係要試下吸收咗日月精華後O既湯底係咩味。呢幾個鍾入面, 其實都加咗2 次湯, 不過一飲, 味道不單止冇淡到, 反而仲加咗海鮮O既鮮甜! 飲飲下, 店員提我哋套餐有包烏冬/出前一丁。雖然已經好飽, 但為左食盡個湯底, 我哋就SHARE 咗一個出前一丁! 因為佢比烏冬更吸湯!
最後, 我哋坐喺度回味緊當晚O既美食O既時候, 竟然有點歌環節。老闆娘真心好順應大家O既要求嚟播歌, 而且都係播大家都好耳熟能詳O既8, 90 年代金曲, 自己跟住唱之餘 (暴露咗年紀), 眼見其他客人都好投入咁跟住唱! 食店O既呢個安排, 我覺得好特別同欣賞, 而且真心要讚下個PLAYLIST, 感覺到係好用心安排的。
桂花菊花蜜苣蒻 - 最後以呢個甜品作結, 好特別O既一個甜品, 好清新又唔太甜。聽聞呢個甜品係老闆娘主理, 讚!
桂花菊花蜜苣蒻
33 瀏覽
0 讚好
0 留言
漏咗講杯特飲, 我哋叫咗疏肝菊花蜜, 呢杯飲品簡直同打邊爐係絕配呀! 清熱又唔甜!
當晚食咗差唔多4 個鐘, 一路聽歌, 一路食嘢, 心中對美食認知O既門不斷被推開到一個新O既層次! 可以同同路人一齊品嚐美食, 真係覺得好幸福, 連心中O既煩擾都暫時一掃而空!
我已經唔記得當晚講咗幾多次: 我今晚真係食得好開心! D 嘢真係好好食呀!!!
我真心誠意推介呢間無論食品、飲品、裝修同店員都咁有誠意同咁高質O既食店, 絕對值得一試! (打完呢篇, 又想再去食了)
張貼
