煲底海鮮火鍋料理 (已結業)

打邊爐港人最愛🤣今次食呢間都幾高質！湯底 #竹笙花膠雞冬瓜盅湯呢個湯底好正，超濃郁，好足料完全無揸流攤！淨係個湯底已經好夠食😂值回票價～啲雞好滑，仲有素翅同竹笙，兩樣都好有咬口，個湯好香又鮮，好飲！配菜嗌左 #牛肉，色水賣相好靚仔，睇落幾新鮮，食落都好嫩口，唔錯👍🏻 #爆汁四寶丸 小心睇熱🤣中間既餡料係會爆汁，都ok啦！#花樣油條打邊爐食油條係另一個境界，中間仲釀左墨魚滑，好爽口，唔好烚太耐，留翻脆脆地既口感更正✨#冰火魷魚開頭以為係烚熟黎食，原來係涼拌菜黎，就咁食的🤣見個賣相黑炆炆咁，都唔知係乜，食落又ok，魷魚好爽🦑飲品🍹#冰搖蜜糖檸檬茶#煲底賓治不過不失啦，係甜左啲🥲