The Wall Street Bar & Lounge

營業中

休息中

之前朋友帶我去過呢間位於尖沙咀金巴利道嘅酒吧餐廳，鍾意佢嘅佈局甚有英倫風感覺，氣氛相當唔錯。雖然係主打酒吧，但餐牌都相當多元化，有唔少海鮮肉類選擇，亦有其他意粉、飯、小食和甜品選擇。呢餐我哋點咗個二人晚餐，貪佢夠晒豐富，有齊餐湯、前菜、意粉、扒類及飲品。兩個前菜分別點咗磯煮凍鮑魚及風乾火腿腿凱撒沙律，鮑魚入口鮮甜，味道相當不錯。凱撒沙律口味清新，配以風乾火腿帶出淡淡鹹香味。海膽鮮蝦扁意粉- 海膽鮮味，配以香濃嘅鮮蝦醬汁，意粉亦煮得彈牙，相當有驚喜嘅一道菜。燒牛柳配大蝦 - 牛柳肉質鮮嫩，入口juicy，味道唔錯，就算點咗七成熟都依然嫩口，大蝦亦爽口好味。另外跟creamy嘅薯蓉及蘆筍，感覺清新。餐飲點咗水果茶，入口清新，充滿果味，店員仲有主動加熱水，相當細心。 餐廳食物質素有驚喜，飲品選擇好多，啱晒同朋友飲嘢或食飯敘舊呀。