影片
更多
2020-03-03
316 瀏覽
拍拖有時係需要預備下驚喜，今日就呃左女朋友收工黎觀塘食飯，預先book好左係如心艾朗酒店既Forte 食個6-courses dinner。原本係semi buffet，不過肺炎關系，餐廳就轉左做set dinner，估唔到咁既價錢都食到咁高質既dinner，真係驚喜！酒店入面既餐廳，環境好modern，好grand，D裝飾又夠stylish。去完個toilet洗手，waiter就好快送上刺身同海鮮，份量係超級多！！！海鮮方面，有翡翠螺、長腳蟹、兩款唔同既蜆、青口、大蝦，仲有四隻鮑魚，鮑魚滑嘟嘟又爽口彈牙，好新鮮又唔會煮到over左。刺身方面最意外係好鮮甜無雪味既甜蝦同希靈魚，最鍾意食希靈魚上面D粒粒，好有口感又唔會腥，淨係食海鮮刺身都值回票價。然後有個前菜salad 冷盤，最特別係紅菜頭加埋西瓜粒，佢地兩個除左顏色，味道都係出奇地夾，酸酸甜甜好醒胃。餐廳有中式同西式湯選擇，我就比較推介西式既南瓜湯，佢唔算好creamy，所以飲落唔太heavy唔太膩，仲好香南瓜味。黎到重頭戲，我同女朋友分別點左 A5和牛牛柳伴芝士焗龍蝦，同埋A5和牛西冷扒伴芝士焗龍蝦。牛柳比西冷質感較實，牛肉味重，不
酒店入面既餐廳，環境好modern，好grand，D裝飾又夠stylish。去完個toilet洗手，waiter就好快送上刺身同海鮮，份量係超級多！！！海鮮方面，有翡翠螺、長腳蟹、兩款唔同既蜆、青口、大蝦，仲有四隻鮑魚，鮑魚滑嘟嘟又爽口彈牙，好新鮮又唔會煮到over左。刺身方面最意外係好鮮甜無雪味既甜蝦同希靈魚，最鍾意食希靈魚上面D粒粒，好有口感又唔會腥，淨係食海鮮刺身都值回票價。
然後有個前菜salad 冷盤，最特別係紅菜頭加埋西瓜粒，佢地兩個除左顏色，味道都係出奇地夾，酸酸甜甜好醒胃。
餐廳有中式同西式湯選擇，我就比較推介西式既南瓜湯，佢唔算好creamy，所以飲落唔太heavy唔太膩，仲好香南瓜味。
黎到重頭戲，我同女朋友分別點左 A5和牛牛柳伴芝士焗龍蝦，同埋A5和牛西冷扒伴芝士焗龍蝦。牛柳比西冷質感較實，牛肉味重，不過依然嫩滑，加左D鹽同黑椒調味，味道好有質感。西冷我地試左 medium rare，食落juicy又嫩口，有入口即溶既感覺。而芝士焗龍蝦都做得唔錯，芝士味香濃，龍蝦啖啖肉，鮮甜又彈牙。
女仔無論食到幾飽，都總係有胃口食甜品，好彩甜品只係細細份，入面有唔同生果仲有Earl grey cake，蛋糕鬆軟幼滑，入口有好重奶香味。
值得一提，依到既waiter 服務態度值得一讚，又nice 又細心，會主動介紹唔同菜式，又會同我地傾下計。總結係，無論依間餐廳既環境、食物質素、服務態度都好高水準，仲有好Fair既價錢，性價比咁高，超級值得推薦！
張貼
