御名園 (已結業)

同屋企人食飯最鍾意擇酒樓，多野食又坐得舒服，屋企附近呢間酒樓質素都唔錯，呢排仲有啲晚市組合幾抵食。。是日燉湯特價「黃金石斛花燉響螺 $43.8 」，見咁平就叫左黎飲，估唔到幾足料，黃金石斛花好滋補同好甜，養生之選。。叫左個「晚市組合 D $368」包括：生猛西澳龍蝦伊面底，配陳皮脆香燒鵝皇。價錢就真係好抵食，自己買隻龍蝦都唔止$3xx😂仲要配埋燒鵝皇，真心高質又大碟，伊面底好食，個湯汁唔會好傑。。晚市小菜就叫左個「精品黑豚叉燒皇 $98」次次食佢啲叉燒都好正，半肥瘦夠晒靚仔，又大碟又厚身。加蒸條魚都唔貴「清蒸老虎斑 $188」斤幾既老虎斑都係百零蚊，蒸魚豉油整得幾好，唔太甜但好香。。前菜好似4位一碟，但前菜係好食既，多種類既花生🥜，呢間都好多熟客既酒樓，食物真係唔錯。