影片
更多
2022-10-19
1326 瀏覽
💡高質鐵板燒尖沙咀廣東道開咗間新嘅餐廳，係全港首間鐵板燒拼中式菜式，裝潢優雅，仲有水泡吊燈，成個感覺好高級，今次坐係吧枱位置，可以一邊欣賞師傅係你面前煮鐵板燒，一邊享受咁美味食味。而家仲有戶外位置，岩曬同朋友chill下。🍽水雲前菜水雲前菜有酸青瓜、紅蘿蔔、洋蔥等等，而今次好特別有水雲菜，入口如絲柔順，幾樣加埋一齊食，酸酸甜甜，十分開胃🍽蟹肉茶碗蒸🦀茶碗蒸熱燙燙，蟹肉份量十足，店員好細心提醒一定要撈勻先可以食，咁樣先可以每一啖都可以食到蟹肉🤩蒸蛋夠曬蛋香濃郁食落仲好滑溜，好滿足😍🍽赤金鯛🐠 呢個係季節海鮮，今次係赤金鯛。師傅用咗立鱗燒嘅方法，立鱗燒係好考功夫的菜式，先確保油溫度係足夠先，再以半煎炸方式，慢慢控制，令到魚鱗炸到一片片捲起，食個陣沾上海膽松露忌廉汁，成個味道即刻昇華左。🍽法國鵝肝🦢鵝肝厚切得黎好大份，開頭仲好驚會好重油膩咁，但點知入口即溶，油脂香得黎仲唔油，配埋脆脆麵包一齊食，好滿足🍽仙台產虎蝦🦐呢碟最特別係以蝦汁蝦膏作為醬汁，再加埋佢地自家調製醬汁烹煮，令到味道更香溢撲鼻。蝦肉超彈牙，唔會乾身，撈埋香濃的蝦醬，更加無得頂😋🍽熊本黑毛和牛A5🐂未煮個陣已經見到和牛紋路好靚
尖沙咀廣東道開咗間新嘅餐廳，係全港首間鐵板燒拼中式菜式，裝潢優雅，仲有水泡吊燈，成個感覺好高級，今次坐係吧枱位置，可以一邊欣賞師傅係你面前煮鐵板燒，一邊享受咁美味食味。而家仲有戶外位置，岩曬同朋友chill下。
🍽水雲前菜
水雲前菜有酸青瓜、紅蘿蔔、洋蔥等等，而今次好特別有水雲菜，入口如絲柔順，幾樣加埋一齊食，酸酸甜甜，十分開胃
🍽蟹肉茶碗蒸🦀
茶碗蒸熱燙燙，蟹肉份量十足，店員好細心提醒一定要撈勻先可以食，咁樣先可以每一啖都可以食到蟹肉🤩蒸蛋夠曬蛋香濃郁食落仲好滑溜，好滿足😍
🍽赤金鯛🐠
呢個係季節海鮮，今次係赤金鯛。師傅用咗立鱗燒嘅方法，立鱗燒係好考功夫的菜式，先確保油溫度係足夠先，再以半煎炸方式，慢慢控制，令到魚鱗炸到一片片捲起，食個陣沾上海膽松露忌廉汁，成個味道即刻昇華左。
🍽法國鵝肝🦢
鵝肝厚切得黎好大份，開頭仲好驚會好重油膩咁，但點知入口即溶，油脂香得黎仲唔油，配埋脆脆麵包一齊食，好滿足
🍽仙台產虎蝦🦐
呢碟最特別係以蝦汁蝦膏作為醬汁，再加埋佢地自家調製醬汁烹煮，令到味道更香溢撲鼻。蝦肉超彈牙，唔會乾身，撈埋香濃的蝦醬，更加無得頂😋
🍽熊本黑毛和牛A5🐂
未煮個陣已經見到和牛紋路好靚，廚師會問你要幾多成熟，建議3成熟，開頭仲驚會好生，但廚師話會更能迫出油香，會更好味。和牛薄燒半熟嫰紅，內裡包住蒜片及細花，就咁放落口食已經好好味，而且會附帶海鹽及黑椒，可因應個人口味再添加。伴碟最特別係有細細粒龍珠果，食完和牛再食，好解膩。
🍽銀稚魚炒飯🐠
黎自靜岡縣銀稚魚好香口，米飯炒至乾身，粒粒分明，加埋葱粒、雞蛋，好滋味。
🍽鯛魚湯
魚湯色澤奶白，以大量魚骨熬煮，好香濃魚味。
ps/整體食物質素好高質，每一樣食物都用不同碟作擺設，店員及廚師好細心講解每一樣食物係咩黎，應該點樣食，值得大推。
張貼
