上岸料理 (已結業)

三訪上岸料理，刺身依舊keep到水準，撞正今次黎係秋刀魚刺身既季節，秋季既秋刀魚魚脂特別豐厚，質感濃郁偏重味，配上餐廳特製既酸汁同薑蓉，解膩提鮮，一試難忘！侍應招呼周到，會細心講解進食順序；刺身點左吞拿魚腩、金木鯛、紅衫魚、黑鯥魚、深海池魚，全部都新鮮甜美，當中最有驚喜係紅衫魚同黑鯥魚刺身，經火炙後更帶出魚鮮味，質感嫩滑，忍唔住再點多一round.除左刺身外必點之選有鮑魚、海膽白身魚卷、生蠔，鮑魚以湯汁慢煮後再冷凍上菜，肉質軟稔入味，大概係食過最好食既磯煮鮑魚🤤 第一次食海膽白身魚卷，白身魚清爽鮮甜，卷上濃郁creamy既海膽，配搭得剛剛好，唔會搶味之餘更突出左白身魚既鮮甜.人均消費二千樓下，已經可以享受到一流既日本菜，不論食材、刀工、環境、服務都係水準之上爽口彈牙既白身魚卷上鮮甜嫩滑既海膽，淋上秘製沙律汁鮮味更加出！